Aruba lo conoce un plachi di number ‘semi smart’ na 2019

ORANJESTAD – Ta definitivo cu otro aña (2019) automobilistanan na Aruba lo haya un plachi di number semi ‘smart’, esta cu tin hopi caracteristica special cu por yuda varios departamento gubernamental cu informacion balioso. Director di impuesto Luenne Gomez a confirma na NoticiaCla cu a keda. Esey ta nifica cu e plachi blauw lo no ta valido mas y cu tur hende lo tin un plachi diferente y cu lo bira e plachi fiho di e auto. Unavez cu departamento di impuesto (DIMP) ricibi e muestranan, lo tene un conferencia di prensa pa mustra kico e lo bira pa 2019. 

PAKICO PLACHI ASINA

Gomez a splica cu loke a pone cu a bay bek na mesa y bay bek na basics ta loke a bin ta sosode y cu no tabata trece cambio den e patronchi di comportacion di clientenan. “A haci un oproep na e clientenan cu tin plachi (di number) blikia, unda cu un cliente por bin cambia su plachi di number ‘free of charge’. Y nan no ta reacciona” Gomez a bisa. “Nos ta mira cu tin hopi falsificacion ta tuma lugar di nummerplaten y tambe di sticker. Hopi hende ta core cu sticker falso, zelfgemaakte platen den forma di carton, papel, you name it y den diferente color e director a sigui bisa. Hende a bay asina leu di te hasta inventa number unda cu a yega e number 160.000. “Nan mes ta traha nan numbernan y ta falsifica stickernan cu unda ta mira cu e ta defeat e purpose” Gomez a sigui bisa. Otro paisnan mas grandi, ta usando e sistema di tin un plachi fiho, y a usa su bishita recien na Paris pa mustra cu eynan nan ta use, y e ta funcionando perfectamente. “Bo tin diferente tipo di auto y brommer. Tur tin un vaste kenteken plaat mara na dje y e sistema ta funciona. 

ARUBA NO TA CLA AINDA?

Pero aparentemente na Aruba nos no ta cla pa un vaste kentekenplaat” Gomez a sigui bisa. Esaki e ta bisa a base di e incumplimiento di impuesto y tambe e reglamento pa cu e number di auto, no ta wordo respesta. Esey a pone cu a bay bek na mesa pa wak kico di berdad ta e futuro di e nummerplaat. Ora cu un automobilista ta riba caminda, e mester tin su seguro paga, number di auto paga, y un number di auto cu ta oficialmente entrega pa departamento di impuesto. “Momento cu e cosnan aki ta bay foi man, bo ta wak cu tin un scheve verhouding” cu ta costa pais mas plaka ainda, Gomez a continua bisando. E tin informacion di KPA cu ta bisa cu tin hopi ‘hit & run’ tumando lugar caminda cu e automobilista nan no tin nan papelnan na ordo. “Fin di siman e control severo a tuma lugar unda cu diferente hende nan auto a wordo tuma den beslag” Gomez a bisa, ta confirma esaki un biaha mas.  Gomez a sigura cu e tarifa di e plachi y e cifra di impuesto no ta cambia pa 2019.