E ‘tata ehemplar di television ’ Bill Cosby sentencia na castigo di prison

PENSYLVANIA – E comediante popular di añanan 80, conoci pa ta e ‘tata di Merca’, a keda sentencia diamars na un castigo di prison di entre 3 pa 10 aña, pa violencia sexual contra e ciudadano  Andrea Constand. E huez a argumenta cu e (e huez) no ta permiti pa trata Cosby otro cu cualkier otro persona, debi na ken e ta of tabata. Mes momento a label Cosby como un persona violento sexual, y a dune un multa di 25 mil dollar. E sentencia ta nifica cu Cosby lo pasa por lo menos 3 aña den prison, y despues ta bira eligible pa libertad supervisa, aunke esey no ta garantisa. Huez no a duna Cosby libertad bou di fiansa pues Cosby mester raporta na prison mesora. 

HISTORIA

Durante añanan 80 Cosby tabata e tata mas popular di television, ehempel pa tur tata durante e serie popular ‘The Cosby Show’, unda cu e tabata hunga papel di un tata ehemplar di un famia di color, pero cu bon bida y cu tur e problemanan cu su 4 yiunan (actor) tabata trece cas cune. Aki na Aruba e serie tabata hopi popular tambe y hopi keri.