Dos homber a comete atraco arma riba Ritz na Savaneta

SAVANETA - Awe dialuna nochi pa 11:05 central di polis ta haya un yamada cu un atraco a caba di tuma lugar na Ritz Savaneta. Patruya ta wordo manda di biaha na e sitio. Na yegada e patruya ta wordo informa door di e trahadornan cu un rato paso dos hende homber cara tapa cu arma di candela a drenta e lugar y a atracanan. Nan a papia bon papiamento. Nan a menasa e trahadonan cu e arma di candela y nan a bay cu e benta di dia cu ta mas o menos afl 1200,- y tambe un cellular. E dos atracadornan probablemente a huy despues den un KIA Picanto color shinishi direcion San Nicolas. E unidadnan di polis a riba caya a cuminsa cu un busceda . Te cu awo no a topa cu e dos personanan aki. Atraco team a presenta na e sitio pa tuma e investigacion over tambe polis technico y Slachtoffer hulp. Cuerpo Policial ta pidi un biaha mas ken cu por a wak algo of sa algo jama e tiplijn di polis cu cu ta 11141.