Oduber: Indicacion cu candela na dump tabata intencional

ORANJESTAD – Tin tur indicacion cu e candela na dump na Parkietenbos den fin di siman aki tabata cendi intencionalmente. Asina minister di medio ambiente Otmar Oduber a sugeri den un conferencia di prensa dialuna mainta. Segun Oduber, ‘tin tur indicacion cu no por tin otro motibo cu esaki a wordo haci intencionalmente’. A splica cu tin un investigacion tumando lugar cu tin cu determina kico a sosode exactamente. 

INTENSIFICA TRABOU

A duna orden tambe dialuna mainta na e comisionan di trabou pa ‘intensifica’ e trabounan riba e solucionan pa dump mirando e situacion di fin di siman aki. 

CONTROL

Otro punto cu Oduber a menciona ta e intencion pa mehora e vigilancia na e sitio mirando cu door di e falta di vigilancia (e lugar ta grandi segun splicacion di Oduber), hende cu no mester tey, por yega na e sitio unda cu e candela tabata.