InterCaribbean Airways interesa den InselAir Interational

WILLEMSTAD – E aeroliña interCaribbean Airways ta interesa den InselAir International. No ta cla si lo kier tuma e aeroliña over, of si ta meramente bira un socio.  For di e aeroliña basa na Corsou, a bin un comunicado cu ta detaya e informacion aki. E aeroliña interCaribbean ta basa na Turks & Caicos, funda 26 aña pasa y ta parti di InterIsland Aviation Services Group. No ta conoci con avansa e combersacionan ta, pero si cu tin un deadline riba cabez di InselAir cu ta fin di October. 

FUTURO ALIANSA

Segun e comunicado, e aeroliña a expresa interes den InselAir, y a mustra cu nan lo por rapidamente re establece e compania y su rutanan y crea un sinergia den ofrece opcionan mas grandi pa region di Caribe.  Di parti di InselAir, su hefe nobo Lars de Brabander a splica cu nan tambe ta interesa den e aliansa aki y cu e ta un ‘fit’ perfecto pa Corsou. E intencion ta pa medio di e fusion aki, expande pa Latino America. A mustra cu tin discussion cu otro posibel socio, pero cu esaki ta mustra di ta un opcion mas miho. 

INTERCARIBBEAN

InterCaribbean ta opera avionan tipo EMB 120, Twin Otter y ERJ145 jet, conectando Turks & Caicos, Antigua, the British Virgin Islands, Puerto Rico, Republica Dominicano the Dominican Republic, Cuba, Haiti, Jamaica, Bahamas, US Virgin Islands, Dominica y St. Maarten/St. Martin. Buelonan domestic ta na Jamaica entre Kingston y Montego Bay, y dentro di e islananmes di Turks & Caicos.