Jorge Celedon tabata e exito di prome anochi di CSJ 2018

ORANJESTAD – Sin kita, sin pone, e artista Jorge Celedon a resulta e artista cu mas hende a hala durante e prome anochi di e di 12 edicion di Caribbean Sea Jazz Festival na Renaissance Festival Area. Esey no ta kita afor cu otronan manera Anacaona y Habana Vieja All Stars no a haci nan cos tambe. Y pa no lubida nos localnan manera Rincon Boys. Tur artista presenta diabierna anochi a sa di ranca nan publico, y tur hende a goza di e ambient e musica di calidad cu tabatin e prome anochi. Diasabra ta sigui mescos, pero cu otro artista, manera e legendario Sister Sledge, Yellow Jackets y Di-rect. Diadomingo NoticiaCla ta bin cu un compilacion mas amplio di henter e fin di siman exitoso di Caribbean Sea Jazz 2018.