Un biaha mas dump di Parkietenbos tabata na candela

ORANJESTAD – Un biaha mas riba un fin di siman (diasabra), yamadanan a cuminsa drenta di habitantenan preocupa cu e dump na Parkietenbos ta na candela atrobe. Bomberonan mesora a sali pa e sitio unda cu enberdad a haya huma preto fuerte y un candela. No ta conoci si nan a logra domina e candela y kico e causa tabata di e candela. Gobierno ta hacienda intent pa e dump na Parkietenbos no tin candela mas, pero ta parse cu hendenan irresponsabel ta sigui reta gobierno y cende esaki na candela. Potretnan ta cortesia di Brandweer Aruba.