Ryson Paskel ta sigui un sospechoso fugitivo

ORANJESTAD – E sospechoso di caso di asesinato, esta Ryson Paskel ta sigui ta fugitivo. Un rato diasabra cos a bruha un rato ora cu polis a manda informa cu a logra pone man riba Paskel y cu e ta deteni. Varios medio electronico y riba red social a cuminsa transmiti e informacion aki, di e supuesto captura. Sinembargo un rato despues, Ministerio Publico a coregi e informacion mesora y bisa cu Paskel no ta deteni. “No ta berdad cu e sospechoso fugitive di husticia a wordo deteni”. Mas despues vocero di polis Lito Lacle a confirma cu e tabata un asunto di comunicacion interno malo, pero cu no tabata e fout di Bureau Communicatie. Pues Paskel ainda ta fugitivo.