Caso di 'drive by shooting' registra na Shiribana

ORANJESTAD - Diabierna anochi pa 10:40 central di polis ta haya yamada pa un caso di tiramento cu a tuma lugar na Shiribana banda di un supermercado. Patruya ta yega na e sitio di e sucedido y ta encontra cu e victima den veranda di un cas den cercania. Segun e victima dos hende homber riba un scooter a pasa y a los tiro riba dje . Di biaha a pidi pa ambulance mirando cu e victima a wordo alcansa pa e tironan. Patruya nan riba caya a cuminsa cu e un buskeda di biaha . Polis a topa cu e scooter na altura di Tanki Leendert . Eynan e sospechosonan a baha for di e scooter ora a wak polis y a core drenta e mondi . Te cu awo ta buscando pa cu e sospechosonan. Recherche a yega na e sitio di e sucedido pa asina hasi nan investigacion y Departamento technico y slachtofferhulp. Te cu aworaki e victima ta stabiel .Cuerpo Policial Aruba ta pidi pueblo cooperacion un biaha cu si a wak of sa algo jama tiplijn di polis 11141