Corte a aproba compra di Holiday Beach hotel door di Corendon

WILLEMSTAD – Corte na Corsou a aproba e compra di Holiday Beach Hotel (Veneto) door di e compania Turco/Hulandews Corendon. Durante e caso cu a tuma lugar e siman aki, a resulta cu tabatin un discussion andando entre gobierno y e doño di e hipoteca y e cumprado riba e estado di un di e percelanan en cuestion. Ademas a resulta cu den e acuerdo di compra, a tene cuenta cu e punto ey caba. Corendon lo a haci dos oferta, uno pa e propiedad complete y uno mas abou pa e otro percelanan. Huez no ta dicta ningun veredicto riba e e debate ey, den cuadro di e procedura di aprobacion aki. Awor cu huez a determina cu no por papia di un ‘miho oferta’ riba e percelanan cu esun di Corendon, huez aaproba e acuerdo di compra a base di articulo 3:268 inciso 2 BW. 

REAPERTURA

For di un mensahe di minister di Economia di Corsou Steve Martina, a mustra cu e hotel lo habri bek na december di 2019 y lo ofrece 350 cupo di trabou.