Ta turistanan alerta a descubri van cu e personanan perdi awe mainta

ORANJESTAD – Manera ta conoci, awe mainta pa 9:50 central a wordo informa  door di patruya di San Nicolas cu a topa cu e personanan di edad cu tabata perdi, na altura di Black Stone Beach na Andicuri.

Polis a wordo informa na e sitio cu dos turista a wak e auto cu e personanan den dje y inmediatamente a informa nan tur guide di ABC tour. Na su turno e la topa cu patruya di polis y asina a guianan pa e sitio. 

Di biaha a pone tur autoridadnan na altura. Personal di Parke Arikok a sa di duna un man asina cu ambulance , polis y rode kruis por a yega na e sitio pa asisti e personanan perdi.  E personanan a wordo hiba warda di Santa Cruz na unda personal di ambulance a haci un chekeo medico cu nan. Tur ta den bon estado di salud. Por a compronde di e chauffeur cu probablemente su wowo a bruha.  

Cuerpo Policial Aruba ta manda danki un biaha mas na tur hende cu a sa di duna un man.