Dirksz: Pensionadonan lo no paga pa Serlimar recohe sushi

ORANJESTAD - Tanto pensionado como esnan riba onderstand lo no tin cu paga Serlimar pa recohe sushi otro aña maart. Esaki ta e proposicion cu ta riba mesa aworaki. Asina presidente di sindicato FTA Hubert Dirksz a bisa NoticiaCla diabierna. Dirksz a confirma cu e cambio di proposicion aki ta despues cu e lider sindical a reuni cu minister di medio ambiente Otmar Oduber e siman aki. Fuera di esey, Dirksz a bisa cu esnan di menos recurso lo paga awor 10 florin envez di e 25 florin cu a menciona algun siman pasa. Via departamento Social lo check ken ta bin na remarke pa paga e suma aki. 

MALCONTENTO

Tabata ora cu gobierno recientemente a anuncia e tarifa 25 florin pa tur hende, entrante maart 2019. Sindicato FTA a reclama esaki pasobra nan tabatin un acuerdo pa tarifa social y den brackets. A dicidi di reuni cu e mandatario pa mustra nan malcontento cu e anuncio aki. Basa riba e reunion e siman aki, segun Dirkz, e mandatario a haci e proposicio actual. Scucha e declaracion AKI.