Cuater persona di edad a keda localisa na Blackbeach

ORANJESTAD – E cuater personanan di edad cu tabata perdi for di ayera, y nan chauffeur di van,  a keda localisa awe mainta segun vocero di polis Lito Lacle. Nan a keda localisa na Blackstone Beach cu ta un area patras di Andicuri. Segun vocero di polis, ambulance ta na caminda pa asisti nan y duna prome auxilio. E bus den cual e cuater ancianonan tabata ‘tour’, lo a daña. Nan a keda asisti mientrastanto pa e compania di tour ABC Tours. 

BUSKEDA

Tabata diabierna mainta cu a bati alarma pa e 4 persona di edad cu no a bolbe despues di un paseo for di cas di anciano ‘Fundacion Paraiso. Polis awe mainta a informa cu a cuminsa un buskeda pa nan.  E personanan cu tabata perdi ta Maria Boekhoedt, Candelaria Maduro, Sigfried Albertus y Theresita Geerman, mientras cu e chauffeur di e van ta Lester Maduro.