Tur cos ta cla pa e di 12 edicion di Caribbean Sea Jazz Festival

ORANJESTAD – Tur cos ta cla pa e di 12 edicion di Caribbean Sea Jazz Festival tuma lugar e fin di siman aki na Aruba na Renaissance Festival Center. Un total di 15 artista internacional y local ta programa pa presenta riba e diabierna y diasabra, unda cu artistanan manera Jorge Celedon, Anacaona y Sister Sledge ta figura entre e grandinan. Artistanan ta cuminsa entre 6:30pm y 7pm riba e varios tarimanan Padu, Divi y Purple. Artistanan a sea yega of ta yegando Aruba y durante un conferencia di prensa diahuebs, e organisadornan a sigura cu tur cos ta cla pa ranca sali y bira un otro exito grandi. Otro artistanan ta entre otro Yellow Jacket, Di-rection, Habana Vieja All Stars, Di- Mongo, Eric Essix y mas.