Ta algun proyecto hotelero so por a para sin costa Aruba placa

ORANJESTAD – E asina yama ‘kosten en baten plaatje’, esta un analisis di e costo y beneficio riba e efecto di cambernan di hotel si no traha nan of si, por bin, pero limita. Asina minister Otmar Oduber a bisa NoticiaCla diahuebs, reaccionando riba e critica di parlamentario di MEP Daphne Lejuez, cu gobierno a dal bay cu un Proyecto mas, sin tene cuenta cu e punto ey. “Uniconan cu bop or para, na un forma sin cu e ta costabo placa, ta compromisonan cu a wordo haci contra ley” Oduber a bisa. Ta trata di esnan cu no a coumpli cu e opcionan, pero cu toch minister anterior a duna contract. 

MOCION MORATORIUM

Segun Oduber, no ta asina manera cu ta kere cu gobierno a pone e ‘mocion riba moratorium’ un banda. E mocion lo sigui wordo traha riba dje. Tin un comicion di Carrying Capacity, cu tin cu atende esaki, y parti di e trabou ta bay ta esey, pa yega eventualmente na e moratorium. “Pero bo tin un realidad di cu huridicamente lo no tin un chens mes pa logra. Y no por pone un claim riba Aruba. Pasobra si tur gana, no tin nada pa negosha mas” Oduber a bisa. Tin cu no ta perhudica pais Aruba cu un claim, y pa cual a bay corte pa kita e claimnan y a gana”.  Manera cu NoticiaCla a raporta anteriormente caba, pais Aruba no por ‘afford’ di bay corte y bringa companianan, pasobra esaki lo costa un dineral miyonario, cu ta placa cu gobierno actualmente sinmplemente no tin.