Wever ta confia cu tin prespuesto 2019 aproba prome cu 15 di December

ORANJESTAD – Awor cu e presupuesto di pais Aruba pa 2019 a sali for di gobierno, tin te dia 15 di December pa aproba esaki, sino Aruba ta risca haya un instruccion di Hulanda, conforme ley di LAFT, cu ta e base pa e colegio di supervision financiero di Aruba funciona. Pero segun prome minister Evelyn Wever na NoticiaCla.

DEADLINE

Wever a confirma pues cu pa ley di LAFT, e prespuesto mester ta aproba pa dia 15 di December. A corda cu aña pasa a haya espacion di CAFT pa ‘viola’ e ley ey, mirando cu ta apenas algun siman prome, e gabinete a drenta gobierno. “Mi no ta ni kere cu nos ta bay haya e espacio e aña aki (pa pospone esaki)” Wever a bisa. De hecho, segun e mandatario e intencion no ta esey tampoco. “Dia 15 di December ta un fecha haalbaar, y nos ta sigur cu nos ta logre”.

AANWIJZING

Segun Wever, ta berdad cu si pa 15 di December no tin un presupuesto, Aruba por haya un aanwijzing. “Esaki si (pa e fecha ey) bo no tin ni un bista riba ki dia e ta keda cla” Wever a bisa. Pero si pa e fecha ey e presupeusto no ta cla pero cu e ta den tratamento anto e ta bay pasa dia 22 or 23 di December, bo no ta bay haya un aanwijzing. “Si pa 15 (di December) yega y bo no tin nada, bo por hayabo den problema” e prome mandatario a sigui bisa. Esey no ta bay ta un reto tampoco pasobra segun Wever, gobierno ta bay logra yega e fecha na tempo. 

TRAYECTORIA

Awor cu e presupuesto a sali di gobierno, e ta bay den man di CAFT y despues Raad van Advies. CAFT mester duna su reaccion riba loke tin riba mesa. “E no ta obligatorio, pero nos a scohe pa hacie, mescos cu nos a scohe e otro añanan”. E ta menos obligatorio cu otro añanan pasobra pa 2019 CAFT no tin autoridad (mas) pa controla Aruba su finanzas, conforme e ley. Esaki pasobra e ley ta vence na fin di e aña aki. No obstante esey, gobierno a bay di acuerdo cu pa e proximo 3 aña ta bay sigui cu CAFT. Ta trahado riba un cuadro nobo den palabracion, cu ta e 25 miyon di deficit, pues a manda esaki pa CAFT pa nan duna nan comentario riba esaki. Cu esaki, e ta bay pa Raad van Advies, cu ta bay duna e conseho mes, na gobierno. E ora gobierno ta contesta Raad van Advies y e ora e ta bay pa Parlamento. Esey ta nifica cu durante luna di September y October lo ta e lunanan di e ‘adviesvorming’ pa e ora e yega bek na Parlamento na November. “Mi no ta verwacht cu ta bay yega trat’e di biaha pasobra tin te dia 15 di December”.