Gobernador di Aruba a participa na reunion di Gobernadornan na Hulanda

DEN HAAG – Gobernadornan di Reino Hulandes, un dia prome cu aña Parlamentario na Hulanda, a tene nan reunion na Hulanda dialuna 17 di September hunto cu secretario di estado Hulandes pa Asuntonan di Reino.  Ta trata aki di Gobernador di Aruba Alfonso Boekhoudt, Gobernador di Corsou Curacao Lucille George-Wout, y Gobernador di St Maarten, cu riba invitacion di Staatssecretaris di BZK Raymond Knops, a biaha pa e provincial Limburg pa tal reunion.  

DIADOMINGO 

Diadomingo anochi, e Gobernadornan a wordo ricibi na Chateau St. Gerlach unda cu a sigui un cena informal.  Dialuna mainta e reunion official a tuma lugar. Comisario di Rey Theo Bovens a ofrece e edificio di gobierno di Limburg disponibel. Eynan tambe ta yama e comisario como ‘Gobernador’, den boca di pueblo. Ademas e Gobernadornan hunto cu e secretario di estado a tene un bishita di trabou na Chemelot Campus unda cu president DSM Nederland Atzo Nicolaï a ricibi nan. E Campus ta basa su mes riba investigacion, desaroyo y enseñansa riba tereno di Quimica y material. 

DIAMARS

Diamars ta tuma lugar e apertura di Aña parlamentario di Hulanda.