SETAR N.V. patrocinador principal di Aruba Caiso & Soca Monarch 2019

ORANJESTAD - Recientemente Stichting Musica a firma un acuerdo di patrocinio cu su patrocinador principal pa Aruba Caiso & Soca Monarch 2019, cu ta SETAR N.V. , un partner for di inicio cu Stichting Musica a cuminsa organisa e evenemento cultural mas grandi  di nos pais esta  Aruba Caiso & Soca Monarch. 

Despues di a organisa un exitoso evenemento di Aruba Caiso & Soca Monarch den luna di januari 2018,  Stichting Musica hunto cu Plus Accountant a  presenta e relato financiero 2018  di e festival  na tur miembro musico den un reunion y despues a haci entrega di esaki na SETAR N.V.  Trabounan a inicia pa loke ta trata Aruba Caiso & Soca Monarch 2019, cu bishita di Stichting Musica na e diferente instancia y patrocinadornan, asina introduciendo e festival na e Mercado comercial.

Lo haci  algun cambio organizatorio cu lo benificia tanto e participante nan como e publico bishitante.  Tambe lo haci un inversion pa asina hiba e festival na un nivel mas halto. Durante a lunanan venidero lo percura pa presenta e calendario di evento na e siman di Aruba Caiso & Soca Monarch 2019.