• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Arubahuis: Studiantenan inscribi awor pa vivienda na Hulanda otro aña

DEN HAAG  – E studiante cu ta pensa di bay studia na Hulanda mester tene na cuenta cu mester inscribi pa camber na tempo. Arubahuis ta keda enfatisa riba e importancia di regla e asunto di vivienda na tempo mirando e scarsedad grandi cu tin den diferente ciudad. Tanto studiantenan Hulandes como studiantenan internacional ta wordo confronta cu e situacion di scarsedad di camber na Hulanda. Mas tempran bo orienta y inscribi, mas grandi bo chensnan ta pa haya un lugar di biba ora cu bin studia na Hulanda. E studiante mes ta responsabel pa haya vivienda na Hulanda. Arubahuis hunto cu e mentor-nan tin e tarea pa duna e informacion necesario con por yega na un camber. 

E prome stap ta inscribi na un Studentenhuisvestingsbureau pa haya un vivienda di un Woningcorpo-ratie a base di un bon contract y cu ta pagabel. Awendia na Hulanda bo mester ta un pormedio di un aña inscribi na un Woningcorporatie pa por bin na remarca pa un camber of studio. Bo por haci esaki facilmente online via di e varios websites cu tin. Cerca un makelaar esaki ta diferente mirando cu esakinan ta opera riba e mercado commercial y e gastonan ta hopi mas halto. Apart di e prijsnan mas halto un dificultad adicional via makelaar ta cu mayoria biaha nan kier pa bo ta akinan pa mira e camber y tambe nan ta exigi un persona cu un entrada na Hulanda para borg pa e studiante. Regla vivienda via personanan particular tambe tin su risico mirando cu lastimamente den e mercado tin varios hende cu ta haci mal uzo di e situacion y ta estafa studiantenan for di exterior unda cu e studi-ante por perde hopi placa. Pesey regla vivienda for di un makelaar of persona particular lo keda un risico. 

Importante ta pa hobennan cu ta den voorexamenjaar cuminsa cu e preparacion caba pa bay studia afo y inscribi pa camber. Mayoria di e studiantenan na Aruba ta bay Hulanda pa sigui un bachelor of ma-ster opleiding. Cuminsa pensa trempan ki opleiding y na unda. Ta exigi di bo persona un mentalidad y postura independiente unda bo ta prepara bo mes pa e momento cu bo dicidi di bay Hulanda pa bo futuro.

Ora di busca vivienda ta importante pa bo balansa bo expectativanan y pa bo tin e “mind-set” corecto pa loke ta biba na Hulanda. E postura mester ta: cuminsa simpel y chikito y zorg pa bo haal bo prome aña di estudio. E aña siguiente ya bo conoce e ciudad y Hulanda mas miho e ora bo por bay busca vivienda mas grandi teniendo na cuenta si cu bo ta bay paga mas huur. Ta bon pa siña biba cu mas hende riba un piso. Bo ta conoce otro cultura y importante ta cu esey ta yuda bo Hulandes. Ora cu bo haya heimwee bo ta contento cu bo tin un persona den bo gang pa papia cu ne. Esey ta miho cu e cuatro murayanan den un luga unda bo tin pa bo mes, pero bo ta bo so.

PAKICO INSCRIBI NA TEMPO PA VIVIENDA?                                                                                                                                 

Ora bo yega Hulanda bo mester por regla un vivienda mesora. Sin vivienda bo no por inscribi na Ge-meente y bo no por haya bo BSN-nummer. Sin un BSN-nummer tur resto di asunto cu bo tin cu regla promer cu aña escolar cuminsa ta keda pega. Por ehempel habri cuenta di Banco, OV- studentenreis-kaart, digidcode etc.  Bo ta depende e ora di vivienda di un makelaar, cu ta hopi caro, y cu no tin suficiente oferta den augustus. Tin varios ciudad cu ta aplica e deadline di 1 di oktober pa e studiante por inscribi pa bo bin na remarke pa un camber e siguiente aña. Si bo no sa sigur ainda na cua ciudad bo ta bai studia esaki no ta problema. E conseho e ora ta pa inscribi na diferente website den diferente regio pa asina bo minimalisa e risico cu bo lo keda sin camber. 

Pa ley bo mester ta inscribi na Hulanda den cinco dia di trabou paso bo a schrijf uit for di Aruba.  Tin Gemeente cu no ta dunabo e BSN-nummer mesora. Mester warda dos, tres of cuatro siman pa haye. Por ta cu bo tin un BSN-nummer caba door cu bo a yega di biba na Hulanda un tempo. Si bo regla un camber cerca famia of conoci bo mester check si e persona mag inscribibo na Gemeente riba su adres. 

Den transcurso di e simannan nos dilanti Arubahuis conhuntamente cu e mentornan di e diferente regionan lo publica informacion specifico tocante vivienda cu ta aplicabel pa e diferente ciudadnan na Hulanda. E informacion aki lo wordo publica den medionan local na Aruba como tambe riba social media, entre otro riba riba e facebookpagina di afdeling Onderwijszaken di Arubahuis. Tambe por haya tur e informacion riba e website di Departamento di Enseñansa di Aruba cu ta www.ea.aw riba e pagina special di “Arubalening Portal” unda bo por click riba “Studia na Hulanda” y “Huisvesting”. Ademas di e website di Departamento di Enseñansa tin informacion hopi valioso riba e topico di vi-vienda riba e website di Landelijke Studentenvakbond (LSVB) na Hulanda https://lsvb.nl/kamer/ Riba e website di LSVB bo ta haya un bista completo riba e organisacionnan cu ta ofrece vivienda riba nivel nacional como tambe pa cada ciudad. 

Tin hopi asunto cu ta depende di bo preparacion pa bin Hulanda. E conseho ta pa no warda y cumin-sa awo! Arubahuis ta desea tur futuro studiante hopi exito cu nan preparacion pa bai studia den exterior.