Limpiesa despues di horcan Gonzalo a cuminsa na St Maarten

PHILLIPSBURG – Limpiesa na St Maarten a cuminsa diamars. Un dia despues cu e horcan Gonzalo a dal e isla frontalmente, e isla a keda tur reboltia. Palonan kibra, hopi inundacion etc. E limpiesa principal diamars a enfoca riba front street, back street, y e camindanan principal. E camindanan principal lo ta liber di cualkier obheto. A pidi pa automobilistanan no uza camindanan menciona, pa asina por haci e trabou di limpiesa mas eficaz. NoticiaCla.com a compronde cu polis y militarnan lo ta yudando ministerio di VROMI, y cu mayoria di e camindanan menciona, lo ta sera pa por efectua e limpiesa. A ubica barinan grandi na varios lugar strategico pa por colecta articulonan relaciona cu e horcan. Mata y palonan kibra ta wordo recohi, mientras cu ta purbando di drecha wayanan di coriente kibra tambe. Mas informacion lo sigui den e proximo ratonan.