Setar ta bira doño di Post Aruba

ORANJESTAD – E compania di telecomunicacion SETAR NV, lo tuma Post Aruba over. Esaki a keda confirma diamars merdia pa minister di finanza Angel Bermudez na NoticiaCla.com. Riba e pregunta di NoticiaCla.com pa confirma e rumornan, e mandatario a bisa “Si”. Segun e mandatario, aunke cu e no ta e mandatario encarga cu e cartera, e la ‘aproba e restructure si’. Tambe e mandatario a confirma cu e cambio lo tuma lugar dia 1 di januari 2015 proximo, y e motibo principal ta pa tin un miho maneho comercial y prestacion di servicio mas moderno. “E ta un forma di consolidacion pa mehora bedrijfsvoering” e mandatario a sigura NoticiaCla.com.

Mas informacion e mandatario no por a suministra ‘ainda’ na NoticiaCla.com, manera kico ta pasa cu e trahadonan, si tin cu reduci esaki, con e structura final lo bira, y con e producto lo por cambia unabes cu anja bolter y Setar tuma over. A tuma contacto cu e mandatario encarga, pero no a localise. Algun siman atras, por a nota problema laboral na e compania, unda cu varios keho a bin pafo, manera uniform biew etc. Asina e compania tin mas problema cu e ta atendiendo cune actualmente. Den curso di dia y siman, NoticiaCla.com ta spera di haya mas informacion riba e consecuencia di e toma aki.