Wever riba tormenta Isaac: ‘Nos a wordo scapa un biaha mas’

ORANJESTAD – “ E pronosticonan un biaha mas tabata corecto, y nos a wordo scapa un biaha mas ” Asina prome minister Evelyn Wever Croes a bisa, refiriendo na e tormenta tropical Isaac. Esaki no ta kita afor cu Aruba por prepara pasobra nos ta den e temporada di horcan. E pronostico tabata mustra menos positivo pero danki Dios cos a cambia na caminda y Aruba un biaha mas a keda ‘scapa’. A referi tambe na e otro horcannan cu ta den region, cu ta afecta islanan bisinja. Un di e islanan cu ta mas afecta por ta St Maarten, aunke e no ta haya un direct hit segun Wever. Tambe e islanan cu no a recupera di e tormentanan anterior. A mustra cu Aruba ta riba un standby pa wak con por yuda si mester.