Caso 'Lotto' oficialmente sera pa Ministerio Publico

ORANJESTAD – Despues di 5 aña cu e caso conoci como “Caso Lotto” a cuminsa, Ministerio Publico a opta pa sera esaki formalmente. Despues di a studia e dossier completo di Caso Lotto, Ministerio Publico a yega na conclusionnan pa loke ta e sospechosonan F.A.C., J.E.C. en J.H.C. Loke a haci e caso aki hopi conoci ta pasobra tabata trata di personanan bon conoci den comunidad. Entre nan tabatin e director mes di Lotto, Jan Hendrik Croes, y e director financiero Ricky Croes. Di Jan Hendrik Croes, Corte Comun di Husticia a dicidi riba 28 di november 2012 caba cu e, e tempo ey sospechoso ainda, e no por wordo persigui. Den e caso contra e otro dos sospechosonan J.E.C. y F.A.C., (Rick Croes ta un di nan), Corte den Prome Instancia a declara e citacionnan nulo riba 29 november 2013. E decisionnan aki a hiba Ministerio Publico na studia henter e dossier di nobo y delibera tocante e siguiente pasonan den e casonan di ambos sospechoso.

Ministerio Publico a conclui cu no tin prueba legal y convincente di algun hecho castigable cometi pa Jan Hendrik Croes y pesey e lo no wordo persigui mas. Cu F.A.C., Ministerio Publico a yega na un transaccion relaciona cu e sospecho di falsificacion di documento y estafa. Mirando e tempo cu a transcuri y e edad di e hechonan, Ministerio Publico a dune un castigo di 120 ora di servicio na comunidad y un multa di 10.000 florin. Ademas a keda palabra cu F.A.C. lo no entrega un demanda pa daño y perhuicio den e caso aki