- Kes the Band di Trinidad confirma pa Flip Flop Festival na juni!
- DVG: A cuminsa hospitalisa hende localmente infecta cu Dengue
- Minister na Merca ta lobby cu banconan pa fia 160 miyon dollar
- Hulanda dispuesto pa yuda paisnan den Caribe cu asunto di refugiadonan
- WEB Aruba ta firma acuerdo cu Seven Seas Water Group pa construi planta SWRO-3
Reconocemento na ex-Gobernador Fredis Refunjol pa su aporte na Aruba
ORANJESTAD - Diasabra anochi na e asina yama plenchi Meta Rialto, Prins Bernard Cultuurfonds a organisa un evento special caminda a desvela dos bunita proyecto. Uno di esakinan tabata e inauguracion di e prestigioso 'Realto Pianolab - Fondo Particular Eduardo de Veer' cual ta e prome fondo particular di Aruba cu e meta pa yuda muchanan den necesidad pa resalta den nan talento musical. E otro proyecto tabata e desvelo di un Liber Amicorum dedica na ex gobernador Fredis Refunjol, cu presencia di dos otro ex-gobernador hunto cu su excelencia gobernador actual Alfonso Boekhoudt.
Pa Aruba e ta un gran honor pa por publica e Liber Amicorum cu un balor historico pa gradici sr. Refunjol pa su aporte di semper como gobernador pero tambe prome cu esey como minister di Enseñansa. Ta trata aki di un buki cu contenido hopi valioso pa Aruba y su herencia cultural. E buki aki ta un piesa hopi valioso pa esnan cu lo mester haci research/investigacion, door cu e ta duna un bista di Aruba durante periodo cu sr. Refunjol tabata gobernador di Aruba. "Mester remarca cu e Liber Amicorum ta di dos cu Charuba ta presenta. E prome tabata na honor di nos ex-gobernador sr. Olindo Koolman", segun sra. Romondt. Di e forma aki, Charuba ta aporta na documenta echonan historico di nos pais y crea documentacion pa researchers y esnan interesa pa sa mas. Diferente amigo y profesionalnan den Reino a contribui na e buki aki dunando un bista riba e mas cu 12 aña cu sr. Refunjol tabata gobernador. Fredis Refunjol: "Mi semper tabata tin bon conseheronan"
Esaki tabata planea pa ta un sorpresa pa sr. Refunjol kende toch ta bisa cu e tabata tin un sentimento cu lo tin algo na caminda, expresando cu un sonrisa riba su cara cu: 'Tin un ex politico a yega di bisa cu pa bo duna mi un sorpresa bo mester lanta prome cu mi y drumi despues di mi.' Sr. Refunjol a bisa cu el a haya yen di señal cu lo tin algun tipo di homenahe na caminda, sinembargo e ta expresa cu: "E ta di hopi valor pa mi cu bo ta haya un reconocemento y eigenlijk un resumen di hopi cos cu mi tabata tin e honor di haci pa Aruba den e temporada cu mi tabata gobernador. Mi ta gradici tur esnan cu a coopera cu esey." Tabata tin hopi hende presente diasabra anochi cu a yega di duna sr. Refunjol conseho durante su periodo manera gobernador. Y esey ta hopi importante pasobra ningun hende tin e conocemento den dje y pues bo ta depende di hendenan cu ta conseha bo. "Mi tabata tin hopi bon conseheronan y hopi bon amigonan cu semper a duna mi conseho, y a aporta pa soluciona problemanan cu nos a topa cu nan", sr. Refunjol ta comenta.
Kes the Band di Trinidad confirma pa Flip Flop Festival na juni!
ORANJESTAD – E banda popular di Trinidad Kes the Band ta confirma pa presenta durante e proximo edicion di Flip Flop Festival dia 1 di juni proximo. Durante un conferencia di prensa diahuebs atardi, organisadornan a anuncia esaki, como un di e varios bandanan internacional cu lo ta presente durante e anochi aki. E intencion ta pa dentro di 2 siman presenta demas artistanan internacional tambe. E evento lo tuma lugar riba Bushiri Beach, y lo ta parti den varios seccion. A cuminsa bende carchi caba awe unda cu e prome cantidad di carchi ta bay na 45 florin estilo ‘early bird’ pa tempo limita. Flip Flop Festival ta un producto di cerbez Chill, y Brouwerij Balashi hunto cu Tropical Bottling Company su productonan Coca Cola y Bacardi. Fuera di e artistanan internacional, lo tin artistanan local manera e.o. Tsunami.
Video: Con a yega na titulo di documentario ‘I can’t be moe’ ?
ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada.
Carlos Bislip cu concierto gratis di JAM riba Dia Mundial di Jazz
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
Aruba One Happy Island Lions Club y Friends of Lions a yuda mas di 500 personaden necesidad
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
Conocido musico Ivan Jansen reconoci pa su ’contribucion na herencia cultural di Aruba’
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
Conocido ciudadano Alice van Romondt ta enfoke principal di un documentario nobo
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.
Follow NoticiaCla
