- Partido MAS a entrega mocion di desconfiansa contra minster Glenbert Croes
- Na Corsou a sentencia homber Arubiano gara cu 1 kilo y mei di marihuana geplak na barica
- Mas di 2 mil habitante di Aruba, Corsou y St Maarten por vota den eleccion parlamentario Europeo
- Maduro: Venezuela ta sigui cu of sin licensia Mericano pa alivia sancion petrolero
- HOH Academy a ofrece curso ‘ Doctor On Board’ pa ora di incidente riba avion
Quota International of Aruba cu Neon Family Fun Walk
ORANJESTAD - E aña aki QUOTA lo start sali cu su SIMAN DI KIBRA SILENCIO anual cu un grandioso caminata. NEON FAMILY FUN WALK! Esaki lo tuma lugar diasabra dia 15 di september 2018, di 8'or pa 9'or di anochi. Pa 7'or lo tin registracion. Prijs pa registra ta: 5 florin. E ruta di e Neon Family Fun Walk lo ta di Bushiribana pa Natural Bridge y bin bek Bushiribana.
Lo tin premionan atractivo pa T-shirts mihor decora pa ocasion di 100 anja di QUOTA INTERNATIONAL, INC. Tickets pa registra adelanta pa e Neon Family Fun Walk ya caba ta obtenibel na:
Maggy’s Beauty Emporium (San Nicolas, Sta. Cruz, Caya Betico Croes, Oranjestad y Paseo Herencia);
Mrs. Minute (Oranjestad, Ling & Sons);
Giselle Department Store (Noord);
FEPO (Engelandstraat);
Y tambe serca tur miembro di QUOTA International of Aruba.
Ya pa 30 aña caba QUOTA International of Aruba ta organisa su Siman di Kibra Silencio, unda ta pone atencion na concientisacion pa proteccion di oido. QUOTA su SHATTER SILENCE WEEK lo cuminsa dialuna 17 di september te cu diabierna 21 di september, 2018. E anja aki atrobe lo tin oportunidad pa hasi test di bo oido gratis na e lugarnan di semper. Traha bo afspraak liher pa hasi bo test di oido.
Por yama e sigiente instancianan pa hasi bo afspraak pa test bo oido gratis:
SVB San Nicolas, Bernhardstraat 67-C, San Nicolaas, Tel: 527.2732;
FEPO, Engelandstraat 15, Oranjestad, Tel: 583.1016;
Optica Oduber & Kan, Caya G. F. Betico Croes 222, Tel: 582.4719.
Carlos Bislip cu concierto gratis di JAM riba Dia Mundial di Jazz
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
Aruba One Happy Island Lions Club y Friends of Lions a yuda mas di 500 personaden necesidad
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
Conocido musico Ivan Jansen reconoci pa su ’contribucion na herencia cultural di Aruba’
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
Conocido ciudadano Alice van Romondt ta enfoke principal di un documentario nobo
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.
Botica di Servicio ta Celebra 5 Aña den Servicio di Anoeska Wever y Dennis Diaz
Acuerdo firma cu Kiwanis Club of Palm Beach ta garantisa continuidad di Fundacion Neptali Henriquez Park
ORANJESTAD – Kiwanis Club of Palm Beach Aruba (KCPB) ta sumamente contento di anuncia cu a firma un acuerdo di cooperacion importante cu fundacion Neptali Henriquez Park, cual lo garantisa e continuidad di e parke di recreacion pa mucha. E acuerdo aki ta importante pa e muchanan tin un lugar safe pa hunga y pa sigui promove bienestar di e comunidad.
Follow NoticiaCla
