Meteo: Aruba probablemente ta keda pafo di biento tropical di Isaac

ORANJESTAD - Actualmente horcan Isaac lo no tin ningun efecto local, segun servicio meteorologico di Aruba a bisa dialuna mainta. Sinembargo nan ta menciona cu mientras cu Isaac ta yegando, e por induci laman bruto. “Aruba lo probablemente keda pafo di e bientonan di forza di un tormenta tropical, ya cu e lo pasa cu un distancia ‘safe’ di 350-400 km nort di e isla" e declaracion ta bisa. Ademas ta sigui bisa cu ta mucho tempo pa premira un pronostico mas concreto debi na e tamaño chikito di e horcan. Esey ta haci cu e horcan su direccion y pronostico por cambia facilmente. "Aunke cu Isaac ta pronostica pa debilita ora cu e yega Antillas, e ta pronostica pa keda cu forza di horcan intenso" e declaracion ta sigui bisa. Pues tin cu vigila e situacion hopi di cerca.