Tres horcan parew den region Atlantico

ORANJESTAD - E temporada di horcan den area Atlantico ta hopi activo e siman aki atrobe, cu no menos cu 3 horcan hunto. Horcannan Florence, Isaac y Helene ta activo y tin nan respectivo rumbo. Pa Aruba, esun cu ta wordo vigila, ta Isaac mirando cu rumbo cu e ta canando. Según servicio meteorologico, Isaac ta wordo vigila hopi di cerca anule cu no ta premira cu e lo afecta Aruba grandemente. A mustra cu e lo pasa 500 km panort di Aruba. Esey no ta kita afo cu lo vigila esaki hopi di cerca. Horcan Florence ta poni pa yega Merca diabierna y esey si lo por tin un efecto riba e continente Norte Americano. Pa loke ta horcan Helene, esaki no tin ningún efecto riba tera, pero si por tin efecto riba e otro horcan nan rumbo.