ORANJESTAD - Tur aña Aruba Bank ta honra prensa local pa nan trabou y dedicacion. Como un toke di aprecio Pa sigui estrecha e bon relacion cu prensa Aruba Bank a organisa un competencia entre miembronan di prensa pa e miho BBQ. Un Holy Smokes Press BBQ Cook-Off sumamente exitoso y gusta a conta cu un gran cantidad di miembro di diverso medio di comunicacion. Algun miembro di prensa a mustra nan habilidad riba grill y a reta otro pa 2019 caba! A parti e participantenan den team y tur a haci nan maximo esfuerso pa uza mas ingrediente posibel di e “mystery box” y competi pa creatividad, sabor, teamwork mientras nan ta Live riba social media. E teamnan a ricibi guia di e conocido Chef Gabriel Ayala, kende a splica cada team e reglanan di e competencia y a nara e ehecucion. Prensa a competi p’e premio di pasashi pa Miami pa henter e grupo. Despues di a purba y husga e platonan di BBQ, e huradonan a scoge e team di Aruba Bank BQ como ganado di e competencia, consistiendo di DJ Corsow, Eugene van der Veen y Dino Tromp cu ta bay disfruta un par di dia na Miami. Aruba Bank ta gradici miembronan di prensa pa acepta e invitacion. Tambe ta gradici miembronan di prensa pa nan trabou di trece informacion na comunidad di Aruba, ultimo noticia y entretenimento. Tambe ta gradici e huradonan, kendenan tabatin e trabou dificil di scoge e plato di BBQ mas dushi. Danki prensa di Aruba p’e bon trabou cu nan ta haci tur dia!
ORANJESTAD – Recientemente e team di Wings of Hope (WOH) cu ta forma parti di Aruba Airport Authority N.V. a organisa e di dos AUA Airport Runway Run riba diadomingo 17 di maart 2024, caminda un total di 125 coredo a duna bek na comunidad di un manera inolvidabel.
ORANJESTAD - Dia 18 di maart Aruba henter ta celebra Dia di Himno y Bandera. Dos simbolo di nos autonomia, identidad, libertad y union.
ORANJESTAD - Fundacion Kapel di Bethania – FKB, ta habri portanan di Klooster Imeldahof pa henter pueblo di Aruba riba ‘Dia di Himno y Bandera’ 18 di maart for di 9:00 am pa 2:00 pm. Un y tur lo tin e posibilidad pa haya experencianan varia riba e dia di celebracion aki.
ORANJESTAD - Hilton Aruba Caribbean Resort & Casino a introduci e Tree of Giving na 2020 manera un forma pa duna bek na comunidad. Bishitantenan por contribui n’e Tree of Giving situa den e lobby di Aruba tower, pa medio di cumpra un poinsettia plant durante e luna di december. Tur e ganashi colecta ta bay directamente pa asisti e isla su banco di cuminda, FPNC, Fundacion Pa Nos Comunidad, www.fpncaruba.com.
ORANJESTAD - Señora Nena a nace na 1936 na Colombia bao di e nomber di Edith Elvira Fawcet.