Horcan Gonzalo a dal St Maarten frontal y laga basta daño atras

PHILLIPSBURG – Tormenta tropical Gonzalo a dal e isla di St Maarten frontal dialuna, bira un horcan categoria 1 y causando hopi daño na e isla. Primordialmente daño pa motibo di awa, y palonan di luz kibra. Durante casi 3 ora di tempo, e isla a wordo ‘bati’ pa awa cu biento fuerte, cu a causa e daño na e isla. “Nos tin coriente, pero e parti frances no”, un ciudadano cu no kier a wordo identifica, a bisa NoticiaCla.com dialuna anochi. “E danjo ta hopi, pero hendenan di St Maarten ta bon den drecha cos atrobe. Nos lo traha henter anochi pa limpia e isla bek”, tabata comentario cu NoticiaCla.com a haya for di e isla.

For di merdia caba, NoticiaCla.com a haya informacion cu e isla a cuminsa sinti e prome efectonan. “Biento ta duro y awacero a cuminsa cay”, un otro ciudadano a bisa NoticiaCla.com. tabata mas of menos atardi laat cu e sla mes a bin, ora cu e tormenta cu mientrastanto a bira horcan, a subi tera. “E tabata hopi pisa. Hopi danjo di awa, palo benta abou, y wayanan di electricidad kibra. NoticiaCla.com no tin informacion di e situacion na Saba of St Eustatius ainda pero ta pendiente y lo update asina cu e informacion bira conoci.