Tjon: Parlamento no lo acepta niun norma adicional di Hulanda

Posted on 09/5/2018 10:31 am AST | Updated on 09/5/2018 10:31 am AST

ORANJESTAD - Parlamento no lo acepta niun norma adicional di Hulanda si e kier impone esaki riba Aruba. Asina lider di fraccion di partido MEP Rocco Tjon a declara den Parlamento. Ayera a finalisa e reunion publico den cual Gobierno a informa Parlamento con presupuesto 2018 ta wordo ehecuta. Tjon den nomber di fraccion di MEP y cu sosten di coalicion, a entrega un mocion durante e reunion publico ayera. E mocion aki ta regarda e supervision financiero cu pais Aruba conoce, danki na e “ondeugdelijk bestuur” di e Gabinete anterior segun Tjon.

ESENCIA DI E MOCION

Segun Tjon, esencia di dicho mocion ta pa Aruba haya su propio “begrotingskamer” mas pronto cu ta posibel pa asina, na momento cu yega un surplus cual ta premira pa ta e caso na 2020, existencia di CAFT no ta necesario mas. Adicional e mocion aki ta urgi Gobierno pa na momento cu mester crea e base legal pa e supervision financiero por wordo extende temporalmente, percura pa esaki no ta contra Statuut y nos Constitucion, manera ta e caso aworaki. Y por ultimo cu e mocion aki Parlamento ta manda un señal fuerte cu no lo permiti Hulanda impone niun norma adicional.

PONENCIA

Durante su discurso, Tjon a splica y substancia su ponencia a base di documentonan, manera rapportnan di CAFT (period 2015 t/m 2018), Raad van Advies (RvA 109-15) y informacion na su disposishon riba website di Tweede Kamer, cu Hulanda tawata na altura di e mal practicanan di e Gabinete anterior. Sinembargo nan no a interveni pa stop esaki siendo cu nan tawata por. E mal practicanan aki a conduci na e hecho cu awe nos conoce un situacion hopi delicado pa loke ta nos finansas, economia y asuntonan social. Tambe Tjon a señala y cita e rapport di Raad van Advies (RvA 109-15) caminda nan ta splica detayadamente cu e manera cu CAFT a wordo introduci ta contra nos Statuut y Staatsregeling. Riba e pagina di facebook di sr. Rocco Tjon por wak e dos discursonan cu el a duna riba e topico aki durante e reunion publico.

PELIGER PA DESAROYO DI NOS PAIS

Tjon a splica cu ta peligroso pa e desaroyo di nos pais cu Hulanda kier mete den nos maneho di personal y tambe dicidi con nos fondonan mester wordo aloca. Segun Tjon, esaki ta stroba bo desaroyo y e ta hacibo dependiente di Hulanda. Aworaki Hulanda no kier solamente yega na palabracion pa loke ta finansas duradero, pero tambe kier dicidi, mihor bisa impone, con Aruba mester haci esaki.

DOÑO DI SU DESTINO

E pueblo Arubano ta doño di su propio destino segun Tjon. E destino aki a wordo fiha 22 di September 2017 ora pueblo e scohe pa un cambio. Bou liderazgo di Evelyn Wever-Croes tin transparencia y “deugdelijk bestuur”. Nos no ta pidi placa na Hulanda, nos ta simplemente exigi pa Hulanda respeta e deseo di pueblo y respeta nos autonomia" Tjon a finalisa bisando.

RAIZ : E harmonia di nos comunidad ta den man di Parlamento diaranson
ORANJESTAD — Partido RAIZ, miembro di coalicion den Parlamento a cuminsa ‘prepara’ comunidad di Aruba pa e reunion di diaranson awor, 8 di mei unda cu lo trata e concepto di ley riba matrimonio di mesun sexun. Titula,’ E harmonia di nos comunidad ta den man di e organo mas halto di nos pais’ e partido kier splica kico tur e ley mester nifica pa Aruba. E articulo ta sigui bisa cu ‘ Amor no tin color, ni sexo, of religion’.
Mas Politica
Lesa Mas
Wever-Croes: Gobierno a baha overtolligheids poel te 10 persona
ORANJESTAD – Gobierno a baha overtolligheids poel te 10 persona, for di 80. Durante e conferencia di prensa siman pasa pa presenta e Relato Annual 2023 di su ministerionan, Prome Minister Evelyn Wever-Croes a splica riba e tema di e “overtolligheidspoel”.
Mas Politica
Lesa Mas
Cu proyecto ‘Ordo Facil’, departamentonan di gobierno por order producto mas facil
ORANJESTAD - Diahuebs mainta, Prome Minister Evelyn Wever-Croes a bishita Bureau Interne Diensten (BID) pa e lansamento di e proyecto nobo di innovacion "Ordo Facil". Manera ta conoci BID ta esun cu ta bestel tur e productonan pa Centraal Magazijn di Gobierno, y ora tur producto ta aden, e departamentonan por pasa busca loke nan a order. Awor cu "Ordo Facil", cada departamento di Gobierno, por haci nan order online, cu no solamente lo facilita e proceso pa BID, sino tambe lo duna nan un miho control riba e inventario di e productonan.
Mas Politica
Lesa Mas
Parlamento a ‘schedule’ tratamento di ley matrimonio mesun sexo pa otro siman diaranson!
ORANJESTAD – Despues di hopi speculacion y comentario, Parlamento e siman aki a programa e tratamento di e ley riba matrimonio di mesun sexo, pa tuma lugar manera planea esta dia 8 di mei proximo. Tabatin speculacion di partidonan den Parlamento cu e ley lo no a wordo programa, debi na su embergadura y controversia di e tema. Tabatin te hasta gritonan cu ta bisa cu ‘si trata e ley aki, gobierno ta cay’, pasobra si e ley pasa esaki ta funesto pa e partido MEP. E siman aki e ‘oproeping oficial a sali, cu ta yama tur parlamentario pa trata e ley aki, cu ta cuminsa pa 9’or di mainta. E intencion ta pa na final di e tratamento, vota pa esaki y wak kico ta bira e resultado.
Mas Politica
Lesa Mas
Arends: Aruba comprometi pa alcansa Cero Emision di Carbon pa 2050
SANTO DOMINGO - Durante e "ICAO Global Implementation Support Symposium 2024" na Santa Domingo, Minister di Transporte Ursell Arends a dirigi palabra na lidernan mundial y a delinea e compromiso di Aruba pa alcansa e obhetivo global di cero emision di carbon pa 2050.
Mas Politica
Lesa Mas
Oduber: Cuenta annual 2023 di ATA ta confirma e miho aña den historia di turismo
ORANJESTAD –Dialuna atardi Minister di Turismo y Salud Publico sr. Dangui Oduber conhuntamente cu management di ATA, Board di ATA, management di AHATA, representante di Grand Thorton y ministerio di Turismo tabata presente pa un reunion di ATA su reportahe anual. Ta pa remarca cu e indicadornan cu ta midi resultado a demostra cu aña 2023 tabata e miho aña den historia di Aruba pa cu turismo.
Mas Politica
Lesa Mas