Corte di apelacion a absolve homber di homicidio contra su tanta

ORANJESTAD - Corte di apelacion dialuna a absolve e sospechoso M. Boekhoudt di homicidio contra su tanta na maart di 2016. Boekhoudt a sinta 2 aña y mey di su castigo inicial di 12 aña cu el a haya na december 2016 ora cu huez e tempo ey a dicta e sentencia. e caso a tuma lugar. Boekhoudt a apela e sentencia e tempo ey, y semper a para riba su inocensia. Hof den e caso aki a determina cu no tin suficiente prueba pa sentencia Boekhoudt pa e caso aki.  Varios rapport (3) a wordo usa pa yuda determina e sentencia diferente, y e defensa di e abogado Illis. . 

PREGUNTA

Durante e caso tabatin dos pregunta central. E prome ta e causa di e morto y ken ta esun cu a causa e morto. E prome pregunta ta wordo contesta basa riba e rapport di experto cu ta hemorragia cerebral ta e causa di e morto. Mientras cu Boekhoudt berdad tabata cerca e victima, e rapport di experto no por a determina e tempo/hora cu e heridanan ricibi pa e tanta, pa cual no por deduci cu ta e sobrino a haci esaki.  Como tal no tin suficiente prueba pa conclui cu ta e sospechoso ta esun cu a causa e derame fatal.  Ministerio Publico tin 14 dia tempo pa apela e sentencia den casacion. Lesa e sentencia AKI.