CTB a gracidi Jeon pa a menciona Corsou den cancion Machika

WILLEMSTAD– Recientemente Oficina di Turismo di Corsou (CTB) a  organisa un agasaho pa e artista di Aruba, Jonathan Thiel miho conocí como Jeon cu ta creciendo den popularidad internacionalmente. Jeon ya ta un artista conoci y hopi gusta pa algun aña caba na Corsou. Jeon a haci un colaborashon cu e artista internacional Colombiano J Balvin y cantante Brasilero Anitta y a manda un saludo pa e islanan ABC den nos lenga papiamento den e cancion ‘Machika’ cu a bira exito number 1 riba diferente top mundial.

CTB a tuma e oportunidad durante Jeon su bishita na Corsou pa dun’e un reconocemento pa su exito y mustr’e cu 'nos ta aprecia cu el a menciona Corsou den e cantica Machika. Durante e agasaho Jeon a topa cu e team di CTB y sigur tabata un ambiente agradabel pa comparti cu e hoben artista. CTB a desea Jeon tur clase di exito den su carera musical.