ATIA ta sigui cera laso comercial cu Colombia

ORANJESTAD - ATIA recientemente a realiza un bishita di trabow na Pereira, Colombia. ATIA y Camara di Comercio di Pereira tin un acuerdo firma, mescos cu Aruba y Colombia tin un acuerdo, pa incentiva cooperacion ariba tur tereno, incluyendo esun comercio. ATIA su vision ta pa hasi uso di e acuerdo aki, pa ariba termino relativamente corto implementa accion visible, dunando contenido concreto na e acuerdo bi-lateral.E region di Risaralda ta un region den pleno desarollo comercialmente y ta brinda un gran cantidad di oportunidad pa Aruba.Pa Aruba su comercio tambe e region por ta un catalisador pa inversion na Aruba y na Colombia, pa nos comercio realiza negoshi y oportunidad nan nobo, diferente of mas efficiente.Hunto cu esaki ta trata di crea oportunidad ariba nivel di salud, educacion, deporte y cultura.E intencion di e ultimo bishita di trabow ta pa detaya e plan pa un bishita oficial di gremionan di Colombia pa Aruba.Di parti di Risaralda, su Excelenia gobernador di Risaralda, Sr. Sigifredo Salazar Osorio, lo desea di encabesa e bishita di trabow pa Aruba, hunto cu Alcaldia de Pereira y e diferentegremionan interesa pa traha cu nan homologo na Aruba. Den e reunion cu a tuma luga na Pereira recientemente tur gremio a expresa nan sostenpa e bishita na Aruba, y pa traha detayadamente pa engrandece e relacion entre e region yAruba na beneficio di comercio pero tambe ariba terenonan di beneficio general paAruba y Risaralda. ATIA a wordo representa door di su Presidente Sr. Ronald van Trigt cu durante su bishitadi trabow a reuni cu representantenan di Camara de Comercio de Pereira y su director, Asociacion de Salud y bienestar Risaralda, Cotelco, Sena regional Risaralda, ProColombia, Universidad Tecnologico de Risaralda, Representante di Movich, Convention Bureau de Risaralda, cu presencia y coordinacion di Colombian Adventures. ATIA ta kere cu construi avenidanan di contacto ariba tereno comercial, social, educativo, turismo, desaroyo social y deporte e.o, cu pais Colombia, por tin gran impacto pa desaroyo comercial y social pa Aruba.