Mercado 'Under the stars' dilanti Cosecha Oranjestad

ORANJESTAD – Recientemente Cosecha Oranjestad conhuntamente cu Taste my Aruba a organisa un biaha mas “Under the Stars” E edicion aki a wordo dedica na nos musiconan y ta pesey mes Edjean Semeleer a presenta conhuntamente cu Jeanedy Semeleer y Jadrick Croes. E anochi aki tawata jena cu ambiente cu un variacion di cancionan di nos arubianonan cantando bou palo den seno familiar. Pesey mes nos kier a gradici Go Cultura Foundation pa nan colaboracion. E anochi aki tawata tin diferente artesanonan cu SEYO presente manera Gloria Filiciana cu ta traha diferente joyas di seaglass, Nanda breamer cu ta traha diferente producto di driftwood, Naomi Landgraf cu sa casnan traha di klei y mucho mas. Tambe miembronan di United Farmers Aruba a participa na e mercado, manera UFAruba, Cunucu297, Goshenaruba, 297Farm y Ecolivingaua. Por bisa cu nan tawata tin un variedad amplio di nan mesun cosecha y tambe a hace demostracion pa asina trece mas concientisacion riba e tereno aki.