IMF lo por yuda valida plan di reforma fiscal nobo di pais Aruba

ORANJESTAD - E instancia financiero internacional International Monetary Fund (IMF) lo bishita Aruba entrante diamars pa un periodo di dos siman. Asina prome minister Evelyn Wever a bisa durante e conferencia di prensa di dialuna mainta. Durante e periodo di bishita di IMF, segun prome minister Wever Croes, nan lo yuda gobierno repasa e sistema financiero fiscal nobo, y posiblemente valida esaki. "Nan lo revisa esaki y por valida esaki" Wever a bisa. E intencion ta pa despues gobierno por anuncia ki tipo di reforma fiscal gobierno ta bay introduci pa reemplaza e crisisheffing recientemente introduci. E intencion tabata pa introduci e reforma caba e fin di e aña aki. Pero no ta sigur cu si ta logra esaki. Pero durante e bishita di IMF, lo laga nan revisa e plannan cu gobierno tin y wak cua nan ta sugeri cu ta miho pa implementa esaki pa pais Aruba.