Emily Wernet a gana Handathon di emisora Magic FM 2018

ORANJESTAD- E Radio emisora MAGIC FM su evento esta e HAND-A-THON 2018, cu a cuminsa Duahuebs 30 di Augustus y a termina 2 di September pa 6:22 AM. Para y keda como ultimo na un brand new Chevy Aveo di STERN AUTOMOTIVE y gané. Esaki ta basicamente loke cada un di e 12 participantenan a haci y como ultimo Last Woman a keda den persona di Emily Wernet. Emily a para exactamente 60 ora y 52 minuut pero awe tin su auto nobo nobo.Tur e coneccionan WIFI tabata den man di SETAR NV cu a hasi e transmission via di radio y FB posibelCada participante a hasi nan maximo pa por a bai cas cu e Chevy Aveo, pero manera tur competencia ta un ganador so por tin. Nos mester comenta cu Lev Varela, representante di Aruba Bank a bataya te na ultimo. Un pabien sigur sigur pa su persona.Diaranson awo lo hasi entrega official di e auto na e ganadora Emily Wernet. Banda di e auto, MAGIC a keda sorpresa cu basta jamada cu e drenta den e ultimo momentonan informando di mas premio cu comerciantenan a pone pa cada un. Asina aki e ultimo 6 nan lo ricibi nan bril di Kok Optica. SuperFood a regala e ultimo 3 nan 500 florin pa nan por hasi compras. E otro participante cu a keda den e ultimo 3 nan tabata Jean Claude Navarette, kende por cierto mester a ricibi asistencia medico, tabata un di e faborito nan pa a gana pero curpa no a duna mas. Banda di e premio nan menciona, Lev, Emily y Jean Claude a gana un ticket cu Aruba Airlines pa nan destinacion cu nan ta desea. Tambe LionFish Swim School a regala e yuinan di e ultimo 3 nan 6 luna gratis di les di landamanto. The Coffee Table a regala 100 florin pa usa durante breakfast of lunch. Champagne Carnival Group a regala 2 participacion na e ultimo 3 nan pa e parada di Fakkel.