Michel Camilo, Burt Bacharach y Ceelo Green tabata grandi p'e amantenan di Jazz

WILLEMSTAD - E artistanan di genero Jazz, Michel Camilo Trio, Ceelo Green y Burt Bacharach a hala nan publico grandi diasabra anochi na e Curacao North Sea Jazz Festival 2018. E prome pa presenta, tabata e legendario Burt Bacharach (90)cu a duna un aplicacion emocional di su amiga Aretha Franklin, cu poco dia pasa, a bay sosega. Notabel presencia den e sala Celia, tabata e fundador di Fundacion Bon Intencion y esun responsabel pa e festival, Gregory Elias, 'the man himself' . Porta e nomber Burt Bacharach, debi na su edad, no ta conoci, pero sigur tur hende conoce un of otro cantica, cu el a yega di toca of produci. Michel Camilo y su trio a presenta tambe e mesun anochi y su exitonan a resona mesora. E ta conoci como e embahador di e jazz Latino. Dominicano di nacemento, cu a muda pa New York y asina el a sigui desaroya su talento di jazz. E sala tabata consisti di mayoria hende di mas edad, cu a sa di aprecia su musica di jazz combina cu musica Latino, dunando honor na su titulo di embahador di jazz Latino. Cello Green tambe a haya su audiencia, cu ta e amantenan di e musica Soul.