CFT ta menasa gobierno di Corsou cu un instruccion

WILLEMSTAD - Corsou por haya un 'instruccion', esta un aanwijzing si pa e di dos mitar di september resulta cu e presupuesto di e gobierno no ta cumpli. Asina e rapport di CFT ta bisa segun e matutino Antiliaans Dagblad diabierna. E colegio di supervision financiero lo informa conseho di minister di Reino Hulandes, di e situacion. Mientras cu no ta bisa cu tanto palabra cu esaki lo bira un 'aanwijzing', tur cos ta mustra den e direccion ey. E colegio financiero ta hopi preocupa cu e situacion financiero di Corsou. E asina yama medida di compliance no a duna e resultado necesario y a core retraso. Basa riba e raportahe di mitar di aña, CFT no por controla suficiente si e retraso aki por wordo recobra pa fin di aña. Potret cortesia CFT juni 2018