Setar: Cliente mester haci cambio y of coreccion di dato pa buki telefon 2019

ORANJESTAD - Setar a recorda tur abonado cu si pa un of otro motibo e number, nomber of adres di e cliente no ta corecto actualmente den buki di telefoon 2018, cu por haci e cambionan necesario prome cu e edicion di 2019 sali publica. Pa esnan cu ta desea di haci cambio, por hasi esaki prome cu dia 22 di september 2018. 

Ta hopi importante pa sa cu e nomber di e abonado y e number di telefoon ta sali publica den buki telefoon 2019, manera e ta registra den e data base di SETAR. Pa cambio di nomber of adres, por pasa na cualkier Teleshop.

Viuda of viudonan por haci cambio di nomber gratis na momento di  presenta e “acto di fayesimento” (overlijdingsakte). Pa por haci cambio den nomber mester presenta un copia di registro civil (no mas bieu cu 6 luna) y pa negoshinan mester presenta copia di registracion di Camara di Comercio (max 6 luna bieu).  Huntu cu e papelnan menciona ta rekeri un identidad valido (paspoort of rijbewijs di Aruba, Antiyas Hulandes , Hulanda of ID valido di Aruba). 

Si e abonado ta desea pa nan number di telefon celular tambe aparece of haci un number di telefon “unlisted” den e buki di telefoon 2019, SETAR ta pidi pa porfabor haci e aplicacion na tempo. Pa mas informacion por yama 114 of manda un e-mail na customercare@setar.aw