Gomez: Bon pa presenta e plachi completo di situacion financiero di Aruba

ORANJESTAD - Den e ultimo reaccion di e colegio di supervision financiero di Aruba (CAFT) riba e rapport di mitar aña di gobierno, tin varios keho riba e.o. falta di cobransa y otro incumplimento di pago cu ainda gobierno no a ricibi, mientras cu nan ta presupuesta. Segun directora di Departamento di Impuesto Luenne Gomez Pieters na NoticiaCla, tin un bon splicacion pa esaki pa evita na crea un percepcion incorecto.

DEADLINE

Entre e supuesto discrepancianan cu porta no ta conoci, pero cu ta importante pa menciona , segun Gomez ta mustra cu p.e. ainda tin un 'deadline' pa ricibi placa di winstbelasting, cu ta na november. Pues e placa ey no a drenta ainda pero na final di aña si lo refleha esaki. "Na mei tabata djies e prome tanda cu nos a ricibi" Gomez a sigui splica. Y asina tin mas cosnan cu ta presupuesta, pero no a drenta ainda pero cu tin su motibo.

COBRANSA ATRAS

Tambe riba e tereno di cobransa, cu no ta completo, Gomez a mustra cu aki tampoco ta premira problema. Esaki pasobra manera planea, lo intensiva e cobransa riba p.e. grondbelasting. "Mi ta warda riba e cifranan di augustus pa mi tin un idea concreto" Gomez a sigui bisa." Overall effort nos ta ariba 48% di e totale begroting dus nos ta bayendo bon" Gomez a sigui bisa. E ta mustra cu esey ta ainda sin e crisisheffing. " E effecto di crisisheffing nos ta bay mire pas den augustus" Gomez a sigui bisa riba e topico ey.

COBRA EXTRA

Mes momento tabatin hopi cos bon cu a sosode segun e director, manera cu a cobra hopi mas na asuntonan cu no ta belasting, compara cu aña pasa pero esey no ta menciona segun Gomez. "Invoerrechten tambe tabata 10 miyon mas halto (cobra) cu aña pasa" Gomez a sigui bisa. Asina e ta mustra cu ora cu analisa e rapport y e criticanan, mester tene na cuenta cu tin cosnan cu no ta wordo bisa, pero cu si ta hunga un 'rol', y cu si esaki ta conoci, hopi ta compronde e situacion y completo.