OM: Tin 4 detencion di caso di tiro riba e adicto ambulante Ski

ORANJESTAD - Tin 4 detencion den caso di tiramento riba e adicto ambulante 'Ski' cu den fin di siman a fayece. No ta conoci si ta e tironan a resulta den morto di Ski. Mientrastanto vocero di Ministerio Publico Ann Angela a confirma cu tin 4 persona deteni, di cual 2 ta menor di edad. Entre e tresnan cu a keda deteni awe marduga (dialuna), dos a keda deteni na Mon Pos y uno na Sabanilla Abou. Un persona a keda deteni diabierna tambe. Manera ta conoci, recientemente tabatin caso di tiramento riba e conocido Ski, cu a ricibi varios tiro na su curpa. Despues Ski a bin fayece tras di waf chikito. Investigacion riba e caso aki pues, a pone cu autoridad a detene 4 persona relaciona cu e caso aki.