No tin señal di violencia riba curpa di homber haya morto den auto na Paradera

ORANJESTAD - No tin señal di violencia riba curpa di homber haya morto den auto na Paradera. Asina vocero di ministerio publico Ann Angela a bisa dialuna mainta. E curpa ta confisca ainda pa autopsia, aunke cu e indicacion inicial no ta mustra nada di violencia. Ta trata di e caso di e homber cu no tabata duna señal di bida, haya diadomingo den su auto, na altura di un supermercado na Paradera. Inicialmente a bisa cu a haya e homber cu un waya di charge celular, rond di su nek. Ta mucho tempran ainda asegun Angela, pa bisa si ta trata aki di un caso di asesinato. Pa loke ta e hecho cu a opta pa takel e auto den cual a haya e homber, cu e curpa den dje, tambe Angela a splica. "Esey ta parti di e forma, e cautela y disciplina cu polis forensico-tecnico ta aplica ora di rechercheer" Angela a finalisa bisando.