Gomez: A.O. no ta proteha bo contra 'ontslag op staande voet'

ORANJESTAD - A.O. no ta proteha bo contra 'ontslag op staande voet'. Asina abogado Dello Gomez ta splica den un raportahe riba nan pagina di Facebook Gomez Coffie. Segun Gomez, tin hende ta pensa cu ora cu un empleado ta a reporta A.O. esaki ta haci cu e no por wordo kita “op staande voet”. E pensamento aki no ta correcto.

LEY

Por lo general ley ta prescribi cu un empleado no mag di wordo retira durante cu e ta A.O. Pero e regla aki no ta conta ora ta trata di un retiro di inmediato, pues un “ontslag op staande voet”. Esaki kiermen cu un empleado por words kita “op staande voet” durante cu e ta A.O. den caso cu tin un motibo valido.

PENSAMENTO FOUT

Un otro pensamento fout ta cu tin cierto dunador di trabou cu ta pensa cu e simpel hecho cu un empleado keda sin presenta un dia na trabou ta trese cu automaticamente por kita e empleado “op staande voet”. Tin biaha no ta ni investiga pakiko e empleado no a presenta na pia di trabou.

Por bin resulta cu e empleado tabata malo na cas y a hasta meld A.O. na SVB (y a lubida di meld A.O. na trabou). Den un caso asina un hues lo dicta cu e “ontslag op staande voet” ta nulo. E dunador di trabou lo hanja su mes tin cu tuma e empleado bek of paga por lo menos e cessantia y salario durante e termino di aviso (“opzegtermijn”). Pa un ehempel di un caso caminda corte a atende cu e topiconan cu nos a elabora riba dje aki riba, click e link aki bou:

http://deeplink.rechtspraak.nl/uitspraak…

Publica cu permiso di Bufete Gomez Coffie