Cinemas na Renaissance ta adapta su facilidad

(ADVERTORIAL)

ORANJESTAD - Mientras cu The Cinemas ta cera na Paseo Herencia otro luna, (september), nan a sigura cu esey no ta nan 'ayo'. Asina nan ta bisa riba un post riba Facebook e fin di siman aki. Nan ta confirma e noticia di NoticiaCla cu e cinema ta bandona e edificio di Paseo, pero cu nan a haci cambio pa nan otro cinema. Ta papia entre otro di e renobacion di e auditorionan na Renaissance, stulnan mas comfortable, mas lugar pa bo pia, y miho zonido. Pues cu e ceramento di esun na Paseo, ta habri oportunidad pa nan mehora esun na Playa, y haci e bishita uno mas comfortable. NoticiaCla a compronde cu e intencion ta (manera raporta anteriormente tambe) cu nan lo ta trahando nan edificio nobo na Palm Beach y pa 2019, nan lo mester por presenta nan producto nobo, mas grandi.