Delta Airlines ta añadi buelo di Boston pa Aruba na december awor

BOSTON - E aeroliña Delta Airlines ta anuncia cu nan lo añadi un buelo mas pa e.o. Aruba den december for di Boston. Ta trata d un buelo cu ta riba tur diasabra yegando Aruba 1'or di merdia y ta bolbe Boston pa 2'or di e mesun dia. E buelo aki ta cuminsa dia 22 di december di e aña aki. Pa e buelonan aki, Delta lo usa e tipo di avion Boeing 737-900, cu tin 20 asiento first class, 21 delta Comfort+®, y 136 asiento 'regular'. E ta parti di un expansion di 5 ruta di Delta pa Caribe, cu ta inclui  Punta Cana, Nassau, Turks and Caicos, Aruba y Montego Bay. Delta tin varios buelo pa Aruba caba di otro ciudanan Mericano.