Mama di Rishandroh y Eugene a pidi disculpa den corte awe

ORANJESTAD - R. Frans, mama di e dos criaturanan Rishandroh y Eugene a pidi tur presente despensa pa loke a pasa relaciona cu e morto di su dos yiunan. Huez a dun'e un oportunidad na final di tratamento di e caso, pa e por a hiba algun palabra. Nan no tabata hopi, pero pa medio di un traductor, Frans a pidi despensa, y a bisa cu e 'ta conciente cu el a causa hopi dolor, y no kier desea pa ningun hende pasa den un experiencia asina'. Nan no tabata hopi palabra, pero por yude den e sentencia. Esaki pasobra hueznan ta tene esaki na cuenta ora di dicta sentencia, manera cu a sosode den pasado caba ora cu un persona mustra remordimento. Potret cortesia arubatopnews.cloud