Isla Riba preparando pa tormenta tropical Gonzalo

PHILLIPSBURG – St Maarten, Saba y St Eustatius diadomingo anochi ta bou di un asina yama ‘Tropical Storm Warning’, a consecuencia di e trayecto di e tormenta “Gonzalo”. Consecuencia entre otro di esaki ta cu scolnan lo ta sera na e.o. St Maarten, y residentenan di e islanan menciona ta avisa pa prepara pa completa nan mes pa yegada di e tormenta. Comercio por opera normalmente, pero mester monitoria e situacion di tempo tambe. Gobierno tambe lo opera ‘normalmente’.

Pa diadomingo atardi, tormenta Gonzalo tabata ubica 258 miya oost, zuid oost di St Maarten, y a haya mas forza. No ta descarta cu durante e proximo 48, e lo por gara mas forza, y comberti su mes den un horcan diahuebs mainta. Ta spera awacero di total di 4 pa 8 inch, cu posibilidad te na 12 inch.