Minister di Finanzas a coregi su mes den caso di rooster di douane

ORANJESTAD - "Si acaso mi a bisa esey, anto e ora mi ta bisa e ora eynan, (cu) e no ta cuadra". Tabata minister di Finansa Xiomara Ruiz Maduro, corigiendo su mes riba e asunto di cuanto por scapa gobierno si elimina e shift di marduga pa douane na aeropuerto. Tabata NoticiaCla cu a puntra e mandatario diahuebs atardi, pakico tin un discrepancia entre su persona y e sindicato. Esaki pasobra dialuna e mandatario a bisa cu eliminando e shift di marduga, por scapa 600 mil florin. Loke e mandatario tabata kier men ta cu si haci cambio pa tur e shiftnan, e ta scapa 600 mil florin. Pues no pa eliminacion di un shift so. "Kier men despensa si mi por a verspreek mi mes" Ruiz a sigui bisa. E ta mustra cu tur hende lo mester a wak e fayo si y por compronde cu e lo tabata kier men un cantidad mas abou. 

DISCUSION KITA SHIFT

E mandatario a recorda cu e dialuna ey, el a pidi e hefe suplente di douane, Corine Cabenda pa e bin dilanti y splica e parti di e rooster wijziging pues con e ta hinca den otro. "Pues full e parti ey t'a esun" Ruiz a bisa. " Ta logico cu si pensa bon, tur hende por a pensa tambe cu 600 mil vs 40 mil, anto un minister di finanzas di e pais aki ta bin trece asina? Mi ta kere cu si nos ta bon pensa, nos tur ta bisa 'e señora a verspreek su mes. Kier men despensa si mi por a verspreek su mes" Ruiz a bisa.