Croes: Gobierno ta paga parti di entiero di adicto Ski

ORANJESTAD - Gobierno di Aruba ta cubri parti di e gastonan di entiero di e adicto ambulante popular Hubert Arrindell, miho conoci como 'Ski'. Asina e minister di Asuntonan Social Glenbert Croes a pone riba su pagina di Facebook. E asistent di e mandatario, e ruman Guisette a sigui bisa cu 'Tur ser humano merece un entiero digno y Minister Glenbert Croes  pa medio di Departamento Social ta percura pa e suma di Afl 4000 wordo otorga pa asina SKI por haya su despedida digno. Cu SKI sosega na paz". Mas prome e fundacion Rancho cu a bin cu un conferencia pa duna oportunidad pa hende aporta na fondo pa e entiero, a tene un conferencia pa mustra cu tin hendenan cu lo ta colectando fondo, haciendo como si fuera cu ta pa e meta aki, pero no ta berdad. Ski a fayece e siman aki patras di waf, di motibonan ainda no conoci oficialmente. Potret cortesia Anuar Habibe.