KPA: Polis cu tabata deteni, a haya 'toegangontzegging' pa varios departamento di polis

ORANJESTAD -  E agende policial A. cu tawata deteni pa maltrato entrante 20 augustus 2018 a haya 'toegangontzegging' pa drenta cualkier dienstlokaal, dienstgebouw, dienstterreinen, y dienstvoertuigen di Cuerpo Policial en coneccion cu e investigacion andando. Asina vocero di polis Lito Laclé a informa diahuebs mainta. Mientrastanto vocero di Ministerio Publico Ann Angela a confirma na NoticiaCla cu e polis a recobra su libertad pero ta keda un sospechoso. Informacion cu ta circula, pero cu NoticiaCla no por a confirma, ta cu e dama cu a entrega denuncia contra e polis, lo a revoca esaki cu ta pone cu e polis lo a recobra su libertad. Mes momento riba e tema ey, Angela a clarifica esaki tambe. En general mi por bisa cu no ta posible pa trek in aangifte. Un aangifte haci ta un aangifte haci. E no por wordo ingetrokken." Si sa sucede cu victimanan di violencia domestico no kier pa nos sigui o sea kier trek in nan aangifte. Nos manera di anda cu esey ta di pidi nan pa skirbi un carta cu nan motibonan pa fiscal." Angela a finalisa bisando